周國賢情緒病

周國賢情緒病

自爆受情緒病困擾 周國賢要重新裝備自己

唱作男歌手周國賢（Endy）都有一段時間冇蒲頭喇，去年6月突然爆出佢同唱片公司女助手搞婚外情，不過Endy立即否認，佢話報道得啖笑，全部都唔係事實，Endy強調同韓籍嬌妻感情冇問題，一家人生活愉快。而Endy今午就喺網上貼咗張新相，相中嘅Endy剪短頭髮，雖然瘦咗，但精神尚可。

Endy自爆呢幾年冇讓自己好好休息，仲話等情緒病好返後，會重新裝備自己，佢話：「實情是，這些年來都沒有讓自己好好休息過，待我把這困擾着我的情緒病都馴服過來，讓我重新好好裝備自己，為未來再一次作好準備後，我便會回來。其實，能夠有這樣的安排，這樣的際遇，這樣的時間，給我如此好好的從新整合。」唔少網民都留言鼓勵佢加油，又讚佢靚仔咗同後生咗﹗