黎瑞恩婚變

黎瑞恩婚變

黎瑞恩與丈夫曾智明的婚變消息近日傳得沸騰騰，小恩子昨日到亞視錄影時，多次強忍淚水拒為丈夫的小三疑雲解畫，並要由好友劉小慧及湯寶如代為擋駕。

 

黎瑞恩昨日被追問婚變傳聞時多次雙眼通紅。

 

　　黎瑞恩與富商曾智明結婚11年，近年二人聚少離多，早前更傳出曾智明在東莞跟22歲新歡交往，成為二人離婚的導火線。

 

　　昨午，小恩子與湯寶如現身亞視總台，擔任好姊妹劉小慧主持的節目《BB日記》最後一集嘉賓，脫掉婚戒的小恩子被問到現時生活是否安逸？她簡單表示：「OK，都開心。」但就拒回答是否與一對子女遷出夫家大宅，只稱：「私人問題我唔方便答，多謝關心。」其後再被追問與丈夫的關係時，她開始表現得不耐煩，「又問私人問題，我冇回答。」

 

好姊妹湯寶如、劉小慧傍實黎瑞恩，全力擋駕。

 

三年後陪子女英國升學

 

　　外界盛傳二人準備離婚，小恩子此時雙眼通紅說：「呢個我唔答喇。（感情淡晒？）唔知呀。」不過，她承認有意三年後陪子女到英國讀書。問她會否感到吃力？她否認說：「唔會，我本來就係個男人（男人頭），咩都可以自己決定。」她強調一對子女就讀國際學校，故決定去外國升學，跟離婚傳聞無關。

 

　　有指丈夫經常離港工作跟一對子女欠缺溝通，小恩子冷冷表示：「通常都係由我照顧。（依家同丈夫冇溝通？）我唔知，唔好問啦，我暫時唔會發表任何婚姻上嘅嘢，亦覺得唔需要，暫時我好開心。」期間，小恩子身旁的劉小慧代為解圍：「算啦，唔好迫我哋啦！」劉小慧亦幫口說：「佢先生好多朋友，遲啲等小恩子覺得適當時候再同大家講。」小恩子再次強調：「總之呢刻唔方便講，大家唔好迫我啦。」